Qantas-in Covid-19 laia flight cancel-te tan USD mtd 74 pek remti

Australia airline, Qantas Airways chuan Covid-19 hripui len laia flight cancel sakte chu a sum faia rul tura tih a nih hnuah, a rulhna turin USD mtd 74 pek a remti.

Kum 2020 leh 2022 inkara flight cancel sakte chu Qantas hian a ticket man pe kir loin travel credit zawk a pe a, mahse hei hi khualzinte chuan duh loin an khing a ni. Hun eng emaw chen buaipui a nih hnuah, nimin khan a pawisaa pek hi a remti a, an customer-ten refund an dawn theih dan tur chu tihchhuah thuai a ni dawn tih an tarlang bawk.

Qantas hi nikum August thla khan hri len laia ground worker 1,800 a ban chungchanga dan kalha thiltia puh a nih avangin USD 63 chawi tura tih a lo ni tawh bawk a ni. Hei industrial kaihhnawih law bawhchhiat vanga Australian court-in sum a chawi tir hnem ber a tling.