NKorea-in ballistic missile 10 kap chhuak

North Korea chuan US leh South Korea sipaiten joint military drill an neih mek laiin, kar liam ta Inrinni khan ballistic missile 10 a kap chhuak niin South Korea lam chuan an sawi.

Japan coast guard chuan NKorea ballistic missile kah chhuah hi an Japan economic zone pawn lam tuipuiah a tla tih a sawi ve bawk. Missile hi NKorea khawpui, Pyongyang bul aṭangin an ram huna Inrinni chawhnu dar 1:20 velah, an ram khawchhak lam tuipuiah kah chhuah a ni tih SKorea lam report chuan a tarlang.

NKorea hian ballistic leh cruise missile hi kum 20 chuang chu a lo enchhin fo a, kum 2006 khan UN Security Council missile a enchhin hi khapin hrekna pawh a lo siam tawh a ni. Mahse, hrekna siam a ni chung pawhin missile hi siamin a la enchhin chhunzawm reng a ni. SKorea leh US hian SKorea chhim lamah joint military drill an nei mek a, hei hi invenna atan leh, NKorea sipaten an beih thut phalhah lo inbuatsaihna atana an tih a ni. Inrinni khan river-crossing drill neiin, tank leh armoured combat vehicle te an hmang. SKorea-ah hian US sipai 28,500 vel an awm mek a, fighter jet squadron dah an ni bawk.