US leh Canada-in Artic-a oil zawn tihtawp an remti

US leh Canda chuan Arctic tuipui-a oil leh gas zawn hna thawh ṭhin chu tihtawp an remti.

Ram pahnihte hian Arctic tuipui-a oil leh gas an zawn mek chu an titawp nghal dawn a, hei hi environmentalist-teín an fak laiin, energy industry lam chuan an sawisel thung.

White House thuchuah chuan, US President Barack Obama chuan Alaska-a Chucki leh Beaufort tuipui te chu oil leh gas zawn phallohna atan a siam dawn tih a sawi. Canada sorkar pawhin Canadian Arctic pum chu no-zone atan a siam dawn a, mahse hei hi kum nga danah ennawn ṭhin a ni ang, a ti.

Ram pahnihte thutlukna siam hi environmentalist-te chuan ṭha tia an fak laiin, industry group, American Petroleum Institute chuan hmathlir neih thui loh vang niin a sawi thung a, ram himna thlengin a tiderthawng thei a ni, a ti. API director Erik Milito chuan an ram security chu an ram chhunga oil leh gas an tharchhuah kawngah a innghat thui hle niin a sawi a ni.