Kar thum office luah hnuah Peru PM a bang leh nghal

Peru prime minister Denisse Miralles chu PM atana lak luh a nih aṭanga kar thum lekah a bang leh nghal.

Denisse Miralles hi February 24 khan PM atan lak luh a ni a, mahse March 17, Thawhlehni khan banna a thehlut leh nghal tih president Jose Balcazar office chuan a sawi.

Peru inthlanpui hi April 12 hian neih a ni dawn a, inthlan dawn hnaih taka PM a banna chhan hi thlawptu a neih ṭhat loh vang niin tualchhung media te chuan an tarlang. An ram danah cabinet hotu, PM a ban chuan a minister-te pawh an ban ve vek a ngai dawn a ni. President Balcazar kutah cabinet minister-te hi an dinhmun chelh chhunzawm tir an nih dawn leh dawn loh ah a innghat a ni.