Kenya aṭanga fanghmir tawlh luh tumtu China mi man

Kenya ram aṭanga fanghmir chi khat, queen garden ant 2,000 chuang China rama tawlh luh tumtu, China mi Zhang Kequn leh a thurualpui, Kenya mi pakhat chu man an ni a, thubuai siamsak an ni bawk.

Zhang Kequn hian fanghmir hi test tube-a dahin, a thawmhnaw bawmah a dah a, Kenya khawpui Nairobi-a international airport-ah China lam panpui a tum chu kar liam ta kartawp khan man a ni. Nimin khan court-ah hruai a ni a, Zhang chuan fangmir hi Charles Mwangi hnen aṭanga a lei a ni a, 100 chu Kenyan shilling 10,000 (USD 77) zelin a lei tih court a hrilh. Mwangi pawh hi an man ve leh nghal a ni.

Kenya thuneitute chuan tun hnaia Europe leh Asia-ah garden ant duhtu hi an pung nasa a, collector-ten an khawi ṭhin niin an sawi. Nikum May thla pawh khan Kenya court chuan queen ant tawlh tumtu mi pali manin, kum khat lung-in tang tura hrem an nih bakah USD 7,700 chawitir an ni bawk. Heng fanghmir hi Europe leh Asia-a collector-te supply an tum an ni.