Iran-in security hotu thar a ruat

Iran sorkar chuan kar liam taa US-Israel beihpui thlaknaa Supreme National Security Council (SNSC) hotu lu, Ali Larijani a thih hnuah Thawhlehni khan security hotu thar atan Mohammad Baqer Zolqadr a ruat.

Mohammad Baqer Zolqadr hi Islamic Revolutionary Guard Corps (IRGC) commander hlui a ni a, armed forces' general staff deputy bakaj, judiciary chief adviser a ni tawh bawk. Kum 2005 khan deputy interior minister for security and police ah ruat a ni a, kum 2023 aṭang khan Parliament leh Shitte cleris leh jurist awmna, Guardian Council inkara remna palai hna thawktu, Expediency Council secretary a nik bawk.

SNSC secretary atana ruat, Zolqadr hian US-Israel leh Iran indona thleng mekah an ram tana thutlukna siamna kawngah dinhmun pawimawh tak a chelh dawn a ni. US emaw, an chhenvel biala ram dangte nena inbiakna neih dawn pawhin Zolghadr remtihna an lak zel a ngai dawn nia sawi a ni. SNSC hi Iran security leh foreign policy siamna kawnga thuneitu sang tak niin, an hotu atana Zolghaddr ruat a nih tak avangin thutlukna siam kawngah pawh IRGC hian nghawng an neih hle rin a ni.