Russia court-in ‘Mr. Nobody Against Putin’ documentary tihchhuah khap

Russia court chuan Oswar award dawngtu documentary, “Mr. Nobody Against Putin” chu Russia sorkar leh Russia-Ukraine indona chungchang a ṭha lo zawnga tarlanna a ni tiin, an ram chhunga streaming platform hrang hrangah tihchhuah a khap.

Russia parliament, Kremlin in a ruat human rights council chuan kar liam ta khan khe film-ah hian an nu leh pate phala la loin kum tling lote thlalakte hman tel a ni tih sawiin, complaint a theh lut a ni. Film-ah hian Russia rama Chelyabinsk biala school-a indo ṭhatna leh thlawpna an inzirtirna, school videographer-in kum hnih chhunga a ruka a lo lakte tihlan a ni.

Ningani khan Chelyabinsk region court chuan hei hi ngaihtuahin, he film hi firfiaka chetna thlawpna lam leh, Russia sorkar laka rilru dik lo puttir tumna a ni, a ti. Film-a “white-blue-white” flag tih lan pawh chu an duh lo thu an sawi bawk. He flag hi Russia rama eptu member ṭhenkhatten Ukraine indona thleng duh lohna lantirna atana an hman a ni a, mahse Russia sorkar chuan a khap thung a ni.