KitKat chocolate bar 413,793 ru bo

Swiss food company, Nestle chuan KitKat chocolate bar 413,793, ton 12 vela rit chu kar liam tan khan Italy aṭanga Poland panpui a nih laiin ruk a nih thu a sawi. A phurtu truck leh a thil phurh hi nimin thleng khan an chin hriat lohin an awm mek tih an tarlang.

KitKat chocolate hi Italy-a a siamna hmun aṭangin Poland-a sem chhuah turin phurh chhuah a ni a, kawng lakah ruk bo a ni ta a ni. Khawi hmun aṭang chiahin nge ruk bo a nih sawilan a ni lo. Company thupuangtu chuan consumer retailer leh wholesaler te chuan chocolate rukbo te hi batch number scan aṭangin an hre thei dawn tih a sawi. An rukbo zingah hian nikuma official F1 chocolate partner an nih hnuah an siam thar, Formula One-themed line pawh a tel a ni. Rukruten thil tui an hria chu lawmawm an tih thu an sawi rualin, company chuan hetianga rukrukna thleng erawh thil pawi tak a ni tih an sawi.