Pakistan-in US leh Iran inkara palai hna thawh a inhuam

Pakistan chuan US leh Iran indona tihtawp a nih theihna atan, ram pahnihten inbiakna an neih theihna atan palai hna thawh a inhuam thu Pathianni khan a sawi. Inremna a awm theihna atana a hma lak tumna hi UN leh China pawhin an thlawp a ni.

Pathianni khan Pakistan foreign minister, Ishaq Dar chuan an ram khawpui, Islamabad-ah Iran war chungchang sawi ho a, hma lak dan tur ngaihtuahin meeting neih chu a kaihruai a, he hunah hian Saudi Arabia, Egypt leh Turkey ram foregin minister-te an tel. Pakistan deputy prime minister ni bawk. Dar chuan meeting-a tel ram dang hruaitute pawhin Islamabad-a US-Iran inbiakna buatsaih chu an thlawp hle tih a tarlang. Foreign minister-te chuan buaina tihtawp leh, inremna a awm theihna tur chu inbiakna hmang chauha tih theih a nih thu an sawi. Meeting-ah hian Strait of Hormuz hawn a nih theih dan tur pawh an ngaihtuah tel bawk.

Dar leh Pakistan prime minister Sharif te chuan a hmain Iran president Masoud Pezeshkian leh foreign minister Abbas Araghchi bakah senior minister dangte pawh an lo pe tawh a, US lam hotute pawh an be pawp bawk niin an tarlang. Iran leh US pawhin Pakistan chu inbiakna buaipui turin an ring tawk a ni, tiin Dar chuan a tarlang.