Yemen force leh Houthi hel inkarah buaina chhuak

Yemen central province Marib-ah Nilaini khan Yemen sorkar sipaite leh Houthi helte an innek buai a, hetah hian mi eng emaw zat an thi tih Yemen sorkar military thupuangtute chuan an sawi.

Innekbuaina thlenna hmun hi Marib chhim lam Jabal Murad district-ah a ni. Hetihlai hian Houthi thunun al-Masirah TV chuan Saudi kaihhruai ṭangrual pawl Yemen sorkar thlawptute chuan Nilaini khan Jabal Murad district-a tlang rama awm Houthi indomite chu thlawhtheihna hmangin vawi eng emaw zat an kap tih an puang ve thung.

Jabal Murad district hi Yemen sorkar leh helte inbeih fona hmun a ni. Kum 2014 hnu lam aṭang tawh khan Yemen ramah hian civil war a awm tawh a, Iran thlawp Houthi-te chuan northern province hmun eng emaw zat lain khawvelin an ram president nia a pawm President Abd-Rabbu Mansour Hadi chu Sanaa aṭangin an um chhuak a ni.