Sudan-in eptu pawl pahnih inremna ziah pui

Sudan sorkar chuan hmar lama awm eptu pawl pahnih, Kush Movement leh Northern Entity-te chu Pathianni khan peace agreement a ziahpui thu Sudan Sovereign Council chuan a tarlang.  

Heng pawl pahnihte hi Revolutionary Front Alliance zinga mi an ni a, Sudan chhim lama awm Juba hmuna Presi­dential Palace-ah rem­na thuthlung (peace agree­ment) hi an ziak a ni. 

He inremnaah hian Darfur, South Kordo­fan, Blue Nile, Sudan chhak lam, Sudan hmar lam leh central Sudan hmuna rambuai awm ṭhin leh tuikhuah (dam) chungchanga in nghirnghona awm ṭhin te pawh ziah tel a ni bawk.

"Kan ram hmar lama eptute nen inremna kan ziah hian a ṭha zawngin nghawng a nei ngei ang," tiin Sudan Sovereign Coun­cil chairman Moha­med Al-Hassan Al-Taishi chuan a sawi.