Pakistan-in petrol man Rs 80 in tihniam leh

Pakistan sorkar chuan West Asia buainain energy supply a nghawng vanga fuel man a tihsan chu mipui lamin an sawisel nasat avangin a man a tihniam leh. Petrol man a tihpunna chu Rs 80-in a tihniam leh.

Kar liam ta Ningani khan Pakistan sorkar chuan khawvel huapa oil man a san avangin an rama fuel man chu nasa takin a tisang a ni. Diesel man chu 54.9% a tipungin liter khat Pakistani rupee 520.35 ah a bihthliah a, petrol man pawh 42.7% a tipungin liter khat rupee 458.40 ah a kai a ni.

Petroleum minister Ali Pervaiz Malik chuan khawvela pumah crude oil man a san avangin fuel man chu tisang lo thei lo an nih thu a sawi. Pakistan oil chawk luh tam ber chu Strait of Hormuz kaltlanga Saudi Arabia leh UAE aṭanga a lak luh an ni. Oil man tihsan a nih avang hian ram chhungah lungawi lohna nasa taka lantir a ni zui a, an ram economy dinhmun chhiat mek karah, sorkar chu fuel man a tihsan avanga mipuite harsatna belhchhahah an puh. Lungawi lohna a nasat avangin hriattirna an tihchhuah tuk, Zirtawpni khan a man an punna hi a tihniam leh ta a ni.