Pakistan-ah ruahsurin chhiatna a thlenah mi 45 thi

Pakistan hmarthlang lam, Khyber Pakhtunkhwa province-ah ruahsurin chhiatna a thlenah ni 10 kalta chhungin mi 45 an thi a, hliam 105 an awm.

Provincial Disaster Management Authority (PDMA) chuan March 25 aṭang khan province-ah ruah nasa taka a sur thu sawiin, district tam takah chhiatna a thleng tih a tarlang. Chenna in 442 vel chhiain, heng zinga in 60 chu luah zui tlak lohin a chhe vek tih an sawi. Harsatna tawkte chhan chhuah leh chhawmdawl hna thawh mek a ni tiin, April 9 thleng province chhung hmun eng emaw zatah ruah a sur leh maithei tih an sawi a, khualzinte pawh fimkhur turin an chah. Sorkar agency hrang hrangten hriattirna leh kaihhruaina an siamte chu ngaihven a, zawm turin mipui an chah a ni.

Rawalpindi leh Islamabad-ah pawh kar liam ta kartawpah ruah nasa takin a sur a, nunphung pawh a tibuai hle a ni. Mahse, heng hmunah hian chhiatna liantham thleng erawh a awm lo.