Netherlands-in Juda-te hnenah ngaihdam a dil

Netherlands prime minister Mark Rutte chuan indopui II-na hunlaia Juda-te nghaisak leh tihduhdah an nih chungchangah, Pathianni khan Juda-te chungah ngaihdam a dil.

"Kan sorkar hmingin vawiin hian Juda-te chung­ah ngaihdam ka dil tak meuh meuh a, khang hun­laia kan ram hruaitute thil tihna avang khan kan ram chuan ngaihdam a dil a ni," tiin Rutte chuan a sawi.

'

Indopui II-na hunlai khan Netherlands ramah hian Juda mi 1,40,000 vel an khawsa a, heng mite hian tihduhdah leh nghaisakna nasa tak tawkin, an zinga mi 38,000 vel chauh an dam khawchhuak a ni.  Netherlands rama Juda-ten nghaisakna nasa tak an tawh chungchangah hian a hmain sorkar chuan Juda te lakah ngaihdam a la dil ngai lo. 

Auschwitz-a Nazi camp aṭang Juda-te za­lenna vawi 75-na cham­pha chu Pathianni khan Amsterdam-ah hman a ni a, he camp hreawm takah hian Hilter-a leh a pawlte chuan Juda-te chu hrehawm takin an khungkawm a ni. He camp-a thite pual hian Holocaust memorial mu­seum siam a ni a, Juda thite hriatreng nan Holocaust Remembrance Day chu hman ṭhin a ni. He hunah hian PM Rutte chuan Juda-te hnenah ngaihdam hi a dil ta a ni.

Nazi camp hrehawm tak aṭangs dam khaw chhuak, kum 82 mi Zoni Weisz chuan a naupan laia thil thleng chungchang hi sawichhuakin, "Ka nu leh pa, unaute ka chan a, engkim ka chan a ni. Kha thil thleng kha ka zunzamah hian a cham reng a ni. Ngaihdam in dil hi thil dik leh ṭha a ni a, ngaihdam dilna hi kei chuan ka pawm em em a ni," tiin kalkawmte hmaah a sawi.