Israel-in an ram mite Saudi Arabia tlawh a phalsak

Israel interior ministry chuan Israel mite chu sakhua leh sumdawnna thilah Saudi Arabia-a an zin phalsak an ni tawh dawn tih Pathianni khan a sawi. 

Israel sorkar thutlukna siam thar hian Israel leh Saudi Arabia inkar  boruak ṭha chho zel a lantir nia ngaih a ni. Hemi hma hian White House chuan Mideast peace plan a siam chu kar leh lamah a tlangzarh dawn tih a lo sawi tawh a, hemi atan hian Saudi thlawpna pawh ngen a tum a ni. 

Pathiannia ministry in thuchhuah a siam thar hmang hian, Israeli Muslim-te chu Saudi Arabia-ah sakhaw thil bik atan pawh an zin thei tawh dawn a ni. A hma chuan hetianga zin turte hian sorkar hnen aṭangin a bika phalna an lak hmasak phawt zel a ngai ṭhin a ni.