London-ah Palestine Action pawl thlawpna lantirtu mi 523 man

London Metropolitan police-te chuan kar liam ta Inrinni khan Britain sorkarin dan pawna a hnawl, Palestine Action group thlawpna lantira Trafalgar Square-a nawrh huaihawt zinga mi 523 an man.

Kumin February thla khan London High Court chuan Palestinian thlawptu pawl, Palestine Action group chu firfiak pawlah chhalin dan pawnah a hnawl a ni. UK interior minister Shabana Mahmood chuan court thutlukna hi an appeal a phalsak thung.

Palestine Action hian Britain sorkar chu Israel-in Gaza Strip a beihnaah thlawp leh thurualpuiah an puh a, nikum July thla khan an pawl member ṭhenkhat chu Royal Air Force base-ah lutin, thlawhtheihnaah rawngte kapin an suasam a ni. Hemi hnu hian Britain sorkar chuan Terrorism Act 2000 hnuaiah firfiak pawlah a puang a, he pawl member nih emaw, thlawp emaw chu pawikhawihna angah ngaih a ni. Inrinna pungkhawmte hian Palestine Action group dan pawna hnawl a nih avanga an lungawi lohna thuziakte an keng a, ṭhenkhat chuan Palestinian scarf awrhin Palestinian flag te an vai bawk.