Australia sipai hotu lu ber atan hmeichhia ruat

Australia sipai hotu lu ber, chief of army atan hmeichhia, lieutenant general Susan Coyle ruat a ni a, July thlaah a hna thar hi a zawm dawn tih sorkar thuchhuah chuan a tarlang. Australia sipai hotu lu ber atana hmeichhia ruat hmasak ber a ni.

Kum 55 mi, Lieutenant general Susan Coyle hian kum 1987 khan sipai hi zawmin, senior command role eng emaw zat a lo chelh tawh a ni. July thlaah sipai hotu ni lai, lieutenan genral Simon Stuart a thlak ang.

Prime minister Anthony Albanese chuan Australian Army chanchina a hmasa ber turin July thla aṭangin chief of army-ah hmeichhia an nei dawn tih a sawi a, defence minister Richard Marles pawhin an ram tana thil chhinchhiah leh hriatreng tlak a nih thu a sawi bawk. Susan hlawhtlinna hian Australia Defence Force-a hmeichhia awm mek te leh, hun lo kal tura hmeichhia, sipai ṭan tumte thlengin nghawng ṭha tak a nei dawn a ni, a ti.

Australian Defence Force (ADF)-ah hian hmeichhia 21% vel awm mekin, an zinga 18.5% chu hotu lam dinhmun chelh an ni. ADF chuan kum 2030-ah hmeichhe awm zat hi 25% vel tlin tir tumin hma a la mek a ni.