Rocket-in Baghdad-a US embassy kap

Iraq khawpui, Baghdad-a US embassy chu Pathianni khan rocket pathum hmanga kah a ni.  Rocket pakhat hian embassy cafeteria a fuh a, a dang pahnih pawh a bul hnai teah a tla nia sawi a ni. Embassy kah vang hian mi pathumin hliam an tuar.

Eng pawl mahin US embassy beitu an nih thu hi an la sawi lo a, mahse US chuan Iran thlawp firfiak pawlte tihah a ngai thung. Iraq prime minister Adel Abdul Mahdi chuan US embassy beih a nih chu a dem thu sawiin, hetianga pawikhawihna thleng hian Iraq chu indona tualzawlah a siam a ni, a ti. US State Department chuan Iraq sorkar hnenah an ram palaite leh an hmun leh hmate venhim sak tura a intiamna chu tipuitling turin a ngen.