Japan-in oil lama harsatna tawk Asia ram dangte puih a tiam

Japan sorkar chuan West Asia buaina avanga South East Asia rama oil lama harsatna tawk mekte puih a tum thu sawiin, hemi atan hian USD tld 10 pek a tiam.

Prime minister Sanae Takaichi chuan Nilainai Asia ram hruaitute nena online meeting an neihnaah ram dangte puihna tur sum theh chhuah an tum thu hi a sawia ni. Japan hian thil tam tak a chawk luhnaah South East Asia ram lakah a innghat lian hle a, hemi chungchang pawh hi PM Takaichi chuan a sawi chhuak bawk. Meeting-ah hian Philippines, Malaysia, Singapore, Thailand, Vietnam, Bangladesh leh South Korea ram hruaitute pawh an tel a ni.

Japan-in puihna hmang hian Asiam ram dangte chuan crude oil leh petroleum product an lak luh belh thei dawn a ni. Japan foreign ministry chuan USD tld 10 hi Association of Southeast Asian Nations (ASEAN) ramten kum khata crude oil an lak luh hu dawn a tling tih a sawi.

Takaichi chuan an ruahmanna siam hain Japan rama domestic oil supply lam a nghawng tel dawn lo tih a sawi bawk. Kum 2025 kumtawp kahn Japan hian oil reserve hi ni 254 daih a nei a; mahse, tun hnaia West Asia buaina avanga khawvel pum oil dinhmun a buai tak avangin thla hmasa khan a reserve aṭangin ni 50 daih tur chu a pe chhuak a ni. Thuneitute chuan May thla tir lamah ni 20 daih tur an pe chhuak leh dawn tih an tarlang bawk.