Australia-a khawlum ber ni Dec 17

Khawvel hmun tam zawkah thlasik khawvawh hun a nih mek laiin, Australia-ah erawh khua a lum zual zel a, Thawhlehni phei kha chu an rama khawlum ni ber record a ni hial.

Thawhlehni khan Austra­lia-a khawlum zawng chu 40.9C (105.6F) a ni a, hei hi an ram khawlum ber record a ni. Bureau of Meteorology (Bom) chuan Thawhlehnia khawlum zawng hian January 7, 2013-a an rama khawlum ni ber record 40.3C chu a khum tih an sawi.

Australia hian ram kang leh khawkheng nasa tak an tuar mek a, zirmite chuan kar leh lamah hian khua a la lum lehzual dawn niin an sawi a, Thawhlehni record pawh hi an la khum nawn leh mai thei.