Bangladesh-in fuel man tisang leh

West Asia buainain ziaawm lam a la pan theih loh avangin crude oil man a sang leh a, hei vang hian Bangladesh pawhin fuel man chu 10% aṭangin 15% ah a tisang leh.

Energy Ministry chuan Inrinni khan fuel man tihsan a nih thu hi tarlangin, rate thar hnuaiah petrol chu litre khat taka 135 ah tihsan a ni a, diesel chu litre khat taka 115 leh khawnvartui pawh litre khata taka 130 ah tihsan a ni.

Official-te chuan crude oil man a san zel avangin fuel man chu tihsan loh theih loh a ni tih an sawi. Oil man sang hain supply chain lamah harsatnaa thlen a, bungraw phurh man leh insurance mante a pun avangin bungrua thawn chhuah man pawh a senso a san phah hle tawh a ni.

Fuel indaih tawk lohna thleng vangin filling station hrang hrangah fuel la tur intlar pawh a thui thei hle. Hetih lai hian official lam chuan mipui lamah hman chawp tur ni loa lei khawl tum an tam chuan buaina a belhchhah niin an sawi ve bawk. Fuel man tihsan hian thil dangah a nghawng leh ngei rin a ni a, a bikin motor chuan man leh diesel hman nasatna, agriculture sector lam pawh a nghawng nat zual rin a ni bawk.