China-in US-ah panda 2 thawn dawn

China chuan nimin khan US-a Zoo Atlanta-a dah turin panda lian pahnih a thawn dawn tih a puang.

China Wildlife Conservation Association chuan thuchhuah siamin, Chengdu Research Base-a panda pa, Ping Ping leh panda nu, Fu Shuang te chu nikuma Zoo Atlanta nena inremna an lo siam tawh hnuaiah thawn an ni dawn tih a tarlang. An thawn hun tur tak hi an la sawi lang lo. Hetih lai hian Zoo Atlanta lamah panda-te awmna tur hi buaipui mek a ni a, Chinese expert-ten an pui bawk a ni.

Zoo Atlanta chuan panda enkawl tura an ring ngam leh an thawhpui avangin China Wildlife Conservation Association chungah lawmthu an sawi. Zoo president, Raymond B. King chuan Ping Ping leh Fu Shuang te chu an hmu chak tawh hle tih a sawi. Zoo leh China hian panda chungchanga inremna an lo siam hmasak chu kum 2024 khan a tawp a, China-in panda a enkawl hawh tir pahnih, Lun Lun leh Yang Yang te chu kum 2024, October thla khan an no pahnihte nen China ramah hruai kir an lo ni tawh a ni.

China hian panda loan programme hnuaiah ram dangah panda hi a enkawl hawh tir fo a ni. Kum 1972 khan Washington-a National Zoo a dan turin panda pahnih chu US a pe a, kum 2024 khan National Zoo leh San Diego Zoo te chuan China aṭangin panda hi an dawng leh bawk.