US Congress joint session-ah King Charles-a'n thu sawi

Britain lal, King Charles III chuan US tlawhin, Thawhlehni khan US Congress joint sesion-ah thu a sawi. Britain leh US chu hun harsa leh hun lawmawmah pawh inlaichinna ṭha tak nei a, ding dun tlat ṭhin an nih thu a sawi.

King Charles hian America-in Britain aṭanga independenc a hmuh champha 250-na pualin ni li cham turin US hi a tlawh a, a nupui Qeen Camilla in a ṭawiawm. Charles hi Britain lal zingah Congress joint session hmaa thu sawi pahnihna a ni a, kum 1991 khan a nu, Queen Elizabeth II chuan thu a lo sawi tawh a, ram pahnihte inzawmna leh, democracy chawi nun a ṭulziate a lo sawi tawh a ni. Thawhlehni zanah King Charles te nupa pualin White House state dinner buatsaih a ni bawk.

Charles chuan US chu khawthlang ramte nen an thawh honaah din nghet zel tura chahin, khawvelin chona a hmachhawn mek chu ram pakhatin a phurh tur chuan a nasa lutuk tih a sawi. "Kan ngaihdan in ang lo tawk te, inrem lohnate pawh awm mah se, democracy vawng nung zel turin lungrual takin kan din zel a ngai a ni," a ti.

Britain lal-in US a tlawh hi US president Donald Trump leh UK prime minister Keir Starmer te inkar boruak ṭhat loh lai tak a ni a, ram hruaitu pahnihte hi Iran war leh Strait of Hormuz chungchangah an ngaihdan a in ang lo a ni.