Japan-in Russia aṭangin oil a lei

Japan chuan West Asia buai avanga khawvel huapa oil supply a khaihlak hnuah Russia hnen aṭangin oil a lei a, Thawhṭanni khan Russia oil phurtu tanker chuan Japan khawthlang lam, Imbari tuipui a thleng.

Japan hian oil a lak luh zingah 95% vel chu West Asia aṭanga a chawk luh a ni. Mahse, February 28-a Iran war a thlen hnuah Iran-in West Asia aṭanga oil phurte kal chhuahna tur tui kawng, Strait of Hormuz a khar avangin oil supply lamah an buai phah nasa hle a ni.

Kum 2022-a Russia-in Ukraine a run avanga ram hrang hrangin Russia an hrek hnuah, Japan pawhin Russia oil a lei ṭhin chu a titawp a ni. Mahse, Strait of Hormuz khar a nih hnua a vawi khatna atan Russia oil hi a lei leh ta a ni. Japan hian Middle East buaina avanga a bungrua lak luh hrang hranga harsatna awmte phuhrukna turin US leh Hormuz Strait paltlang ngai lo ram dang aṭanga a bungraw lak luh pawh a tipung chho tawh bawk.