China-a factory kangah mi 26 an thi

China rama Hunan province-ah Thawhṭanni tlai lam khan halpuah leh halmawi siamna factory a kang a, mi 26 an thi a, hliam 61 an awm.

Chhiatna thlenna hmun hi Liuyang khaw chhim lama Huasheng Fireworks plant a ni a, kangmei chhuah chhan tak hi hriat chian a la ni lo. Factory-a thil puak leh kang hi a nasa hle a, a bul hnaia chenna building darthlalang te pawh a nghawr keh a ni. Chhanchhuah hna thawk turin mi 1,500 bakah ui, drone leh robot-te tirh an ni. Factory hi gunpower warehouse pahnih bul maia awm a nih avangin, helai chhehvela chengte chu venthawn thilah sawn chhuah vek an ni. Kangmei chhuak ṭhelh mih a nih hnuah nimin khan thuneitute chuan tui leh air quality te an endik nghal a ni. President Xi Jinping chhiatna thlen chhan chhui chiang tur leh, he thila mawhphurtute chu man a, thubuai siamsak turin thupek a tichhuak.