SKorea leh US inbiakna hlawhtling lo

Ni hnih chhung South Korea leh United States (US)-in inbiakna an neih hnuah, an inbiakna chu a hlawhtlin loh thu South Korea leh US thuneitute chuan an sawi. 

Ram pahnihte inbiak­na hi South Korea-a US sipai 28,500 dah chung­changa pawisa pekchhuah dan tur chuangchang a ni a, US hian a sipai South Korea-a a dahte man (cost)-ah hian, kumin chhungin US dollar tluklehdingawn 5 an phut thu tarlan a ni. Hei hi a hmaa Skorea nen an inremnaa a let ngaa a tam thu tarlan a ni bawk.

December 31 hian South Korea-a US sipai 28,500 dah chungchanga pawisa pekchhuah dan tur, US leh Skorea-te inremna ziah hunchhung chu a tawp tawh dawn a ni. Mahse vanneihthlak takin South Korean Ministry of Foreign Affairs leh US State Department-te chuan nakkum January-ah hemi chungchangah hian inbiakna neih leh a nih tur thu an tarlang.