Lebanon PM thar duh loh vangin nawrh huaihawt

Lebanon  prime mi­nister thar atan Hassan Diab ruat a nih chung­changah lawngawi loin, an ram khawpui Beirut, Akkar, Sidon, Nehme, Tripoli leh hmung hrang hrangah mi sang chuangin nawrh an huaihawt.

Nawrh huaihawtten Diab an duhloh chhan ber hi, Hezbollah movement a thawhpui vang a ni a, he pawl hi US, UK, Israel, Argentina leh Gulf Arab ram ṭhenkhatte chuan firfiak pawlah an lo puang tawh a ni. Nawrh huaihawtte hian motor kete an hal bakah security force-te nen an innawrbuai bawk a, kalkawngte pawh dangin, Lebanon president Michel Aoun-a'n PM thar atan a ruat, Diab hi a ban hma loh chuan kawngpui dan chhunzawm zel an tum thu an tarlang. 

October 29 khan PM nilai Saad Hariri chu a bang a, hemi hnu hian parliament-ah inthlan buatsaih a ni. Vote 128 awmah vote 69 hmuin, education minister hlui Diab hi PM atan thlan chhunzawm a ni ta a ni.