Israel-in thlawhtheihnain Gaza a bei

Israel sipaite chuan Ningani tlaiah khan Gaza- Palestine hel tawmbuk an kap. 

Palestine security thupuangtu chuan Gaza aṭanga rocket kahchhuah a nih hnuah Israel hian thlawhtheihnain Gaza hi a bei zui nia sawiin, Gaza hmar lam leh chhim lama Palestine helte tawmna hmun chu an bitum thu a sawi. 

Thi leh hliam report a awm lo a, rocket kah­chhuah chungchangah pawh hian eng pawl mahin an tih a nih thu thuchhuah an la siam lo. Rocket kahchhuah hi Israel chhim lam, mihring chen lohna laiah a tlak avangin thi leh hliam an awm lo a ni.

Palestine helte hian tunkar chhungin Israel lamah hian rocket pahnih an kapchhuak tawh a ni.