Kuminah kum dang aiin kangmei a chhuak nasa tawh

Sik leh sa inthlak danglam nasain a nghawng zelah kumin kumtir aṭanga April thla thlengin Africa, Asia leh ram dangah kum dang aiin kangmei a chhuak nasa tawh.

January aṭanga April thla chhunga kangmei chhuak hian ram hectare mtd 150 chuanga zau a tichhe tawh a, hei hi ​World Weather Attribution data lakkhawma record awmsa aiin 20% in a tam zawk a ni. Reseacher-te chuan kuminah hian khaw lum lamah pawh record thar siam a ni leh maithei tih an sawi a, khaw lum lutuk hian kangmei pawh a tihchhuah belh thei dawn a ni, an ti.

Africa ram bikah kumin chhungin ram hectare mtd 85 a kang chhe tawh a, hei hi record awmsa aiin 23% in a tam zawk. Asia-ah ram hectare mtd 44 a kang chhe tawh bawk a, kum 2014-a record chu 44% velin a khum. Myanmar, Thailand, Laos leh China-te chu ram kangin a nghawng nasat zual zingah an tel.

Imperial College London-a wildfire expert, Theodore Keeping chuan El Nino avangin kumtawp lamah ram kang hi a la nasa leh thei tih a sawi. Australia, Canada, US leh Amazon rainforest te chuan khaw lum nasa tak bakah khaw kheng thlenign an tuar thei dawn tih a sawi.