Sri Lanka-ah ruahsur nasa vangin mi 2 an thi

Sri Lanka ramah ruah sur nasa avangin hmun tam takah chhiatna a thleng a, chhiatna thlengah mi pahnih an thi tih nimin khan disaster management centre chuan a sawi. Thite hi an ram khawchhak lam, Batticaloa district leh hmarlam Jaffna district amite an ni.

Ni nga chhunga ruah nasa takin a sur a, district 22-ah mi 4,000 chuangin harsatna an tawk a ni. Ruahsur hian chenna in 88 vel a tichhia a, chhungkaw 29-a mi 100 chuang chu relief centre pahnihah an awm mek bawk. Ruah hi a la sur chhunzawm dawn niin khaw chin zirtute chuan a sawi.

National Building Research Organisation chuan district hrang hrangah ruah a sur rei tawh avangin leimin nasa tak a thlen a hlauhawm thu warning an tichhuak bawk.