SKorea leh Japan hruaitute inhmu dawn

South Korea president Lee Jae Myung leh Japan prime minister Sanae Takaichi te chu naktuk hian South Korea-a Andong-ah an inhmu dawn. Ram pahnihten inzawmna thuk leh ṭha zawk an neih theih dan an sawi dun dawn a ni.

Tun ṭuma hruaitu pahnihte inhmuhna tur hi SKorea President Lee-a khua a ni a, kumin January thla khan Japan PM Takaichi te khuaah an lo inhmu tawh bawk. SKorea-a Lee Jae Myung kaihhruai sorkar a din hnua ram pahnihten summit an neih vawi rukna tur a ni bawk.

Anglong-a summit an neih turah hian economic security leh regional affairs lamah ram pahnihte thawh dunna huang zauh dan turte bakah, Iran war thleng mek chungchangte pawh an sawi dun dawn a ni. Tun hnaiah Japan leh China inkar boruak a ṭha lo hle a, hei vang hian Japan PM hian a ṭhenawm ram dangte nena inlaichinna ṭha zawk siam dan kawng a dap mek a ni.