Ukraine-in drone hmanga Moscow a beihnaah mi 3 an thi

Ukraine chuan Inrinni liam ta zan khan drone hmangin Russia-a Moscow region-a Khimki leh Mytishchi a bei a, mi 3 an thih bakah hliam 12 an awm niin Russia lam chuan a tarlang.

Moscow mayor Sergei Soyanin chuan Ukraine beihna avang hian chenna in pathum a chhia a, oil refinery chu beih tel ni mah se a chhe tel lo niin a sawi. Hliam tuarte hi oil refinery bula awmte an ni. Darkar 24 chhungin Ukraine drone 120 chuang an lo kap thla tih a sawi.

Russia defence ministry chuan Inrinni zan leh nimin zing thleng khan Moscow region-ah an drone 556 an kap thla tih an sawi bawk. Drone an kahthlak ṭhenkhat chu an rama airport lian ber, Moscow-a Sheremetyevo-ah pawh a tla a, mahse thil tihchhiat erawh a nei lo.