Twitter-in political advertisement chhuah phal dawn lo

Social media lar tak Twitter chuan khawvel pumpuiah an platform-ah political advertisement tihchhuahna an phal tawh dawn lo tih a sawi. 

Politics lama thuthang dik lo venthawnna tur a nih thu tarlang telin, Twitter Chief Executive Officer (CEO) Jack Dorsey chuan "Internet lama advertisement tih hi a lar duh hle a, voter-te a hip phah hle. Mahse hei hi politics tana him lo thei a ni ve a, chuvangin candidate tur te advertisement bik hi chu tihchhuah kan khap tawh dawn a ni," tiin a sawi. 

Twitter hian an policy thar chu November 15-ah tihchhuah an tum thu sawiin, November 22-ah chuan he policy thar hi an hman tawh dawn thu an sawi bawk. Facebook CEO Mark Zuckerberg erawh chuan political advertisement hi chhuah an la tum tih a sawi thung.