Sipaite tihelna lantir vangin Myanmar lemchan thiam panga hrem

Myanmar court chuan traditional theatrical troupe member panga chu an lemchannaah sipaite tihelna lam an lantir avangin  hrehawm taka kum khat lung-in tang turin a hrem. 

Peacock Generation thangyat troupe member-te hian Myanmar New Year lawmnaa show an neihnaah, Parliament-a sipai aiawh dah leh sumdawnna kawnga sipaite inrawlh dan chu tihelna an tilang tel a ni. Hei vang hian kumin April thla khan man an lo ni tawh a ni. 

Nimin khan court chuan troupe member-te chungthu hi ngaihtuahin, sipaite deuna lam an lantir avangin hrehawm taka kum khat tang turin a hrem ta a ni. Amnesty International chuan court thutlukna siam hi a sawisel nghal a, mi tihelna lam lantir avang ngawta hremna na tak inpek hian Myanmar rama freedom of expression dinhmun dik tak a tilang a ni, a ti. Thuneituten sawiselna an ngaihtheih loh vang ngawtin heng mite hi tantir an ni, a ti.