Malaysia-in online platform-a naupangte venhimna dan hmang dawn

Malaysia sorkar chuan June 1 aṭangin, online platform-a naupang te vehimna tur, content ṭha lo lak aṭanga venna tur dan thar hman ṭan a ni dawn tih a puang.

Dan siam thar hian online service provider-te chu kum 16 hnuai lamte'n account an siam leh neih theihna kawnga an himna tura hma a lakna telh tura phut an ni tih Malaysia Communications and Multimedia Commission chuan a tarlang. He ruahmanna siamah hian kum 16 leh a hnuai lamte venhimna tur, online platform-a an tana him tawk lo nia ngaih feature laka khuahkhirhna siamsak an nih dan ngaihtuah tura tih a ni.

Online platform provider te chuan thil awmzia hriattir leh chhan letna (reporting and response), advertisement chhuahtute tihchianna, leh thil tihdanglam emaw siamchawp (manipulated) emaw content-te chu an chhinchhiah zel a ngai dawn bawk a ni. He dan thar kalpui tur hian online platform-te chu hun pek an ni dawn tih commission chuan a sawi a, mahse hun pek chin tur erawh a la sawichiang lo.

Malaysia hianonline content ṭha lo tak tak a pun chhoh avangin social media company-te zirchian hna pawh a kalpui tawh a, sorkar chuan kumin aṭangin user-te kum zat finfiahna, age verification pawh kalpui turin ruahmanna a siam tawh a ni.