Bangladesh-ah sentut vangin naupang thi an tam

Bangladesh ramah sentut hri vangin naupang thi an tam hle a, March thla aṭang khan sentut vanga thi hi naupang 500 chuang an awm.

Health Ministry in a tarlan danin, Bangladesh ramah thla hnih chhungin sentut vei nia hriat hi mi 60,000 chuang an awm a, tam takin laboratory test result an nghak mek bawk. Hri hi inkaichhawn awlsam tak a nih avangin a bikin naupang, kum 5 hnuai lam, vaccine la lote tan kai a awlsam zual a ni.

Damdawi-in lamah pawh awm an tam tawh hle a, UNICEF chuan field visit an neih lai pawhin damdawi-in hrang hrangte an khat vek a, thawktute pawh an indaih loin an staff-te chuan an theih anga anga an puih thu an tarlang.