ASEAN ram hruaituten Russia President Putin an hmu dawn

Association of Southeast Asian Nations (ASEAN) ram hruaitute chuan June thlaah Russia president Vladimir Putin chu Russia ramah an hmu dawn tih Philippines foreign secretary Theresa Lazaro chuan a sawi.

Theresa Lazaro leh Russia foreign secretary, Sergey Lavrov-te chuan June 17-18 hian an inhmu dawn a, hemi hma hian ASEAN hruaitute hian president Putin hi anhmu dawn a ni. ASEAN-ah hian Philippines, Brunei, Cambodia, Indonesia, Laos, Malaysia, Myanmar, Singapore, Thailand, East Timor, leh Vietnam ramte an tel a ni.

ASEAN member ram tam zawk Russia-in Ukraine a run chungchanga United Nationsl General Assembly-in Russia a demna resolution an thlawp a, mahse, an bloc ang hian Russia an thawhpuina erawh an titawp lo thung. Philippines, Indonesia, Thailand, leh Vietnam ramte hian Iran war thleng vanga khawvel puma fuel man a san hnuah, Russia crude oil an lei duh thu pawh an lo sawi tawh bawk.

Putin an hmuhna turah hian Myanmar ram hruaitu erawh an tel an remti dawn lo niin an sawi. ASEAN hian Myanmar rama sipai chakna hmanga civil sorkar paihthlak a nih hnuah, an pawl top-level meeting-ah Myanmar hi a tel an phalsak lo a ni.