Angola ralthuam dahbo campaign-ah Ralthuam 1,10,000 an khawn khawm tawh

Angolan National Police provincial commander Aristofanes dos Santos chuan 2008-a ralthuam dahbo campaign an ṭan aṭang khan ralthuam chi hrang hrang 1,10,000 chuang an khawnkhawm tawh tih a sawi.

Ningania Disarmament Week hmannaa an ram chhim lam Benguela province-a neiha thu a sawinaah Aristofanes dos Santos chuan silai chi hrang hrang 78,38, gun loader  8,884, silaimu 1,01,667 leh puak thei thil 98,626 an tichhe tawh tih a sawi a ni.

Silai la ṭha tak, la hmantlakte chu national defence leh security force-te kutah an hlan thung. Benguela provincial governor Rui Falcao chuan ralthuam an lakkhawm tam ber chu Angolan Civil War hunlai ami a ni tih a sawi. Angolan Civil War hi kum 30 dawn a ni a, 2002 khan a tawp chauh a ni.

Kumtin October 24-30 inkar hi Disarmament Week-ah  United Nations chuan 1978 aṭang khan puangin, he hunah hian ralthuam dahbo ṭulzia campaign-te neih a ni ṭhin.