KHAWVEL LAWRKHAWM

President Assad-a kaihhruai sorkarin Aleppo la fel tawh

Syrian Observatory for Human Rights chuan Syria sipai leh helho inbeihna, Aleppo khua aṭang chuan helho an chhuak fel tawh a, President Bashr al-Assad-ah kutah he khua hi a awm tawh niin an sawi.

Hun rei tak sipai leh helho hi an inbeih hnuin, sipaite hian khawpui chhung khawthlang lam dai tih loh chu an thunun fel vek tawh a ni. Aleppo khuaa inbeihna thleng vang hian civil mi 21,500 in nunna an chan niin an sawi a, mi nuai tel chu hmun him lamah an tlanchhe bawk.

Europol-in internet security thawhdunna tilian

European Police Office (Europol) leh European Commission-a internet registry manager, EURid te chuan internet security lama thawhdunna zau zawk nei turin inremna an ziak.

Europol chuan inremna hi Nilaini khan ziah a nih thu sawiin, cybercrime lama thawhdunna zau zawk an nei dawn tih a sawi. EURid hian cybercrime do letna turin Belgian law enforcement chu a lo thawhpui tawh bawk.

Nepal leh China sipaiten nunchan zir ho dawn

Nepal leh China sipaite chuan a ṭum khatna atan nakkum February 10 khian joint military exercise an nei dawn. Hei hi ram pahnihten an sipaite thawhdunna ṭha leh rahbi thar siamna atana an tih a ni.

Joint military exercise neih tur hi Pratikar-1 tiin an vuah a, China sipaite chuan Nepal sipaite chu firfiakte do let turin training an pe dawna ni.

Kumin March thla khan Nepal sipaihotu, General Rajendra Cheetri chuan China a tlawh a, hemi ṭum hian ram pahnihte chuan sipaite thawhdunna ṭha zawk siam an rel a ni. Nepal hian India sipaite nen nunchan an lo zirho tawh bawk.