Trump-a’n trade council hotu atan ‘Death by China’ ziaktu a ruat

US President-elect Donald Trump chuan US trade council hotu atan, ualau taka China sawisel ṭhintu economist Peter Navarro a ruat.

Navarro hi White House National Trade Council hotu niin, trade and industrial policy director a ni ang. Inthlan campaign lai pawhin Navarro hi Trump-a adviser a ni a, a lehkhabu ziah zinga ëThe Coming China Warsí leh ëDeath by China: How America Lost its Manufacturing Baseí tihah chuan China policy nasa takin a sawisel a ni. Hei vang hian Trump-aín trade council hotu atana Navarro a ruat hi China chuan a ngaimawh rin a ni.

Trump hian US-in hun rei tak ëone Chinaí policy a lo pawm tawh palzut a, President atana thlan tlin a nih hnua telephone hmanga Taiwan president a biak avangin China hi a lungawi lo hle. Hetih lai hian Trump chuan twitter lamah pawh China hi a sawisel tawh a ni.

Navarro hi University of California, Irvine-a ecnomics professor ni lai a ni.

President transition team chuan trade council hotua Navarro ruat a ni hi president-elect-in America ram thil siamte chawisang leh a tum zia tilang chiangtu a ni, a ti.

Navarro chuan Trump-a chuan free trade chu ṭha ti hle mah se, fair trade a duh tel a ni, a ti. US chu One China policy titawp tura a duh thu a sawi a, Taiwan nen chuan inzawmna ṭha siam a, submarine development programmee lama thawhpui a duh thute pawh a lo sawi tawh a ni.

Navarri-a lehkhabu, ìDeath by China: How America Lost its Manufacturing Base,î hi documentary film-ah pawh siam a ni. A film thlirtute chu America ram venghim a, an chhungte an venhim theihna tur chuan ìMade in Chinaí tih inziahna thil siam lei lo turin a chah bawk.