Venezuela-in pawisa note a thir-in thlak dawn

Venezuela sorkar chuan nimin khan an ram pawisa, bolivar 100 note chu a thir (coin) in a thlak dawn tih sawiin, darkar 72 chhungin tihfel nghal a nih tur thu a sawi.

President Nicolas Maduro chuan, ramri-a ruihhlo tawlhru ṭhinte tihtawpna leh, an rama ei tur leh mamawh dang indaih lohna nasa tak tihziaawmna turin he thu≠tlukna hi siam a nih thu a sawi. Darkar 72 chhunga tihfel a nih chuan dan loa thiltitute chuan an pawisa note thleng felna tur hun an nei hman dawn lo a ni, a ti.

Hetih lai hian sawiseltu lam chuan an ramin sum leh paia harsatna nasa tak a tawh laia President thutlukna siam dan chu ṭha an tih loh thu an sawi. Eptu hruai≠tu Henrique Capriles chuan, December thlaa hetiang thupek siam a ni chu awm lo a tih thu a sawi a, darkar 72 chhungin boliver 100 note an neihte chu a thirin thleng fel hman ngaihna a awm lo, a ti.

Tun hnaiah Venezuela pawisa hlutna hi a tlahniam chak hle a, bolivar 100 hlutna hi US cent 2 hu chauh a ni tawh. Politics buaina vang leh, sum lama an tlakchhiat avangin khawvela thil man san chakna ber ram a ni.

President Maduro-aín pawisa note thlak a nih tur thu TV-ah a sawinaah, rampawn lama sum chhuahte chu thleng sak an nih theih lohna turin ramri pawh khar vek turin thupek a siam thu a sawi. Colombia leh Venezuela ramria gang rual≠te chuan an pawisa chhekkhawlte chu an thleng thei dawn lo a ni, a ti. Tun thla tir lam khan central bank chuan December 15 aṭangin pawisa note thar, bolivar 500 leh 20,000 note tihchhuah thar a nih tur thu a lo puang tawh a ni.