Japan-in Pakistan miten dan kalhin mosque an sa tih sawi

Japan-a Kawagoe khawpuia cheng Pakistan miten mosque an sak, kumin April thla hawn chu dan kalha sak a nih thu Japan sorkar chuan a sawi a, ṭhiah sak mai theih dinhmunah a ding. Mosque hawnna inkhawm an neihah hian Japan-a Pakistan ambassador Abdul Hameed pawh a tel a ni.

Mosque hi Japanese urban ruling rules hnuaiah dan kalha sak a ni tih hriat chhuah ni a, Kawagoe CityHall pawhin he mosque hi urban development control area-ah sak a nih thu a nemnghet bawk. He hmunah hian a bik taka phalna pek loh tan in sak khap a ni. Tualchhung mite chuan phalna nei loa sak mosque hi tichhe turin an phut.

Official-te chuan municipal lam phalna nei loa in hi sak a ni tih sawiin, ṭhiah tura ngenna pawh party hrang hrang aṭanga a daw thu leh, an ngaihtuah ur thu an sawi. Dan loa mosque hi sak a nih tih hriat a nih hnuah, Pakistan embassy pawhin X-ah thuchhuah a siam nghal a, Japan-a Pakistan mi awmte chu tualchhung dan siamte zawm ṭha turin a ngen a, a bikin sakhaw hmun sak chungchangah dan ngai pawimawh turin a ngen. Tualchhung thuneitute hnen aṭanga phalna nei hmasa loa in sa lo turin a hriattir a ni. Dan loa mosque sak chungchangah embassy chuan inrawlhna a neih loh thu a sawi nghal bawk.