Israel ralthuam thawn chhuahin record siam

Israel-in ram danga ralthuam a thawn chhuah chuan tam lamah a zawna a kum ngana atan record a siam thar leh. Kum 2025 chhunga ralthuam a thawn chhuah hi USD tld 19.2 hu a tling a, hei hi kum 2024-a a thawn chhuah aiin 30% dawnin a tam.

Defence Ministry-in a tarlan danin, nikum chhunga ralthuam an thawn chhuah tam zual zingah hian missile, rocket leh air defence systems an tel. Israel hi ralthuam thawn chhuaktu lian zingah a tel reng a,an ralthuam thawn chhuah zinga 36% hi Europe ram hrang hrangte lei niin, Asia leh Pacific Region-in 32% an lei a, West Asia leh North Africa-in 15% an leisak bawk.

Hmun hrang hranga indona an hmachhawn reng chungin umin April thla khan Iran nen an indo mek karah Israel chuan Arrow missile interceptor a siam chhuah chu a tipung dawn tih a puang a ni.

Israel defence minister Israel Katz chuan IDF-te'n hmun hrang hranga indona an hmachhawnnaa an hlawhtlinna te, Israel sipai hmanraw siam chhuahna industry-te theihna ropui tak takte leh, khawvel hmun hrang hranga Israel sipai ralthuam zawrh chhuah hlawhtlinnate inkungkaihna chu chiang takin a lang a ni, a ti.