Kum 15 hnuah Israel jail aṭangin Bilal Kayed chhuah

Israel jail-a kum 15 chhung zet tang tawh, Palestinian mi Bilal Kayed chu chhuah zalen a ni ta.

Bilal Kayed hi Palestinian leftiist political party, Popular Front for the Liberation of Palestine (PFLP) armed wing leh Abu Mustafa Brigades nena inzawmna neiah puhin kum 2001 khan man a ni a, hetih lai hian kum 19 mi chauh a ni. Kayed hi kum 14 leh a chanve tang turin hrem a ni.

June 15 kha a tan hun tawp tur a ni a, mahse hemi ni hian Israel thuneitute chuan adminstrative detention hnuaiah an dah chhunzawm leh a ni. Administrative detention hi military court niin, Israel-in Palestinian mi a rinhlelhte chu thla ruk chhung thubuai siamsak kher loin a hreng thei a ni.

Kayed-a hian administrative detention hmanga hren chhunzawm a nih avangin, lung≠awi lohna lantirin ni 71 chhung chaw a nghei a ni. Tang zinga tam takin an thlawpna lantirin chaw an ngheipui bawk. Hemi hnu hian chhuah a nih theih nan Israel thuneitute nen inremna an siam ta a ni.

Israel ram chhunga jail-ah hian Palestinian mi 7,000 vel an tang mek a, an zinga mi 720 chu administrative detention hnuaiah hren an ni.