UN hotu thar rinawmna thu tiamtir

Antonio Guterres chu Thawhṭanni khan General Assembly-ah, United Nations Secretary-General thar atan rinawmna thu tiam tir a ni.

Portugal prime minister hlui, Gutteres hian January 1-a UN hotu hna chelh ṭan aṭangin rinawm, fimkhur leh dik taka hna thawh a tiam.

Kum 67 mi, Guterres hi October thla khan General Assembly chuan UN hotu pakua-na ni turin a lo thlang tawh a ni. Guterres hian UN Secretary General term hnihna hmang mek, Ban Ki-moon a thlak ang.

Guterres hi kum 1995-2005 khan Portugal prime minister a ni a, kum 2005-2015 khan UN High Commissioner for Refugees a ni bawk. Guterres hian UN hotu hna inchuhnaah, General Assembly-a zawhna leh chhanna hun neihah pawh a chhang ṭha thei hle a, candidate 13 zingah thlanchhuah a ni ta a ni. Candidate 13 zingah hian hmeichhia pasarih an tel.

Kumin kumtawp hmain Guterres hian a deputy general secretary tur a ruat dawn a, Nigeria enviroment minister Amina Mohammad a ruat rin a ni. Hei bakah hian chief of staff atan hmeichhia ruat a tum nia sawi a ni bawk.