Yemen-ah minute 10 danah naupang pakhat an thi

UN children agency, UNICEF chuan Yemen rama naupang nuai li chuang chu ei tur nei loin, ṭam hmabakin an awm mek tih a sawi.

Yemen rama naupang 462,000 chu an taksa mamawh ei tur ṭha an hmuh phak loh avangin an din≠hmun a ṭha lo hle a, minute 10 danah naupang pakhat zel chu ei tur ṭha neih loh vang te, kaw ṭha lo leh thawk≠na lama harsatna neih vangin an thi ziah niin a tarlang.

Agency acting representative, Meritxell Relano chuan, Yeman rama naupangte dinhmun chu tun ang rengin a la chhe ngai lo tih a sawi. Kum 2014
aṭang khan ei tur ṭha hmu zo lo naupang hi 200% zetin an pung a ni, a ti. Naupang kum nga hnuai lam thihna tam ber chu ei tur ṭha neih loh vang a ni.

Kum 2014-a Iran thlawp, Houthi hel leh Yemen sorkar sipaite inbeihna avangin tualchhung buaina nasa tak a thleng mek a, helho hian ram zau tak la tawhin an ram khawpui, Sanaa pawh an la a ni. Saudi Arabia kaih≠hruai ṭangrual ramte chuan Yemen sorkar hi thlawpin, kum 2015 March thla aṭang khan Houthi hel lakah hian beihpui an thlak. Beihpui thlak a nih aṭang hian mi 10,000 chuang an thi tawh a, mi maktaduai tel chu an tlanchhe tawh bawk. Tualchhung indona thleng vang hian medical centre, school, mosque, factory leh in tam tak a chhe bawk.