Algeria bomb puakah mi panga an thi

Algeria khawchhak lamah Ningani khan kawngsirah bomb a puak a, tualchhung mi panga an thi tih Algeria defence ministry chuan an tarlang.

Bomb puahna hmun hi Tebesss huam chhung, Telidjane district-a Oueid Khenig-Roum-ah a nih thu tarlangin mi panga an thih bakah hian midang pathum an hliam tih an tarlang bawk a ni. 

Algeria ramah hian buaina a chhuak ngun hle a, thla tir lamah lhan ni hnih chhungin buaina chhuakah mi pakua lai an thi tawh bawk a ni. Ningania bomb puakah hian eng pawl mahin mawh an phurh thu an la sawi lo.