Central Israel-a inpawngkahna thlengah mi 1 a thi

Central Israel-a Kokhav Yair khaw bula gas station-ah Pathianin khan Palestinian, Israel citizenship nei chuan silaiin mi a pawng kah a, Israel mi pakhat a thih bakah mi dang panga an hliam. West Bank chhunga Israel khaw bul pahnihah inpawngkahna hi a thleng bawk. Pawikhawihtu hi police-ten an kap hlum ve nghal a ni.

Israel police-te chuan Khokhav Yair khuaa mi kaphlumtu hi Arab khua, Taybeh-a cheng kum 20 mi a nih tihh an sawi.A thiltih chhan tak hi hriat chian a la ni lo. Khaw danga inkahna thlengah pawh he pawikhawihtu leh a thurualpui, a driver-a ṭang chu an inrawlh bawk nia sawi a ni bawk.

Israel prime minister Benjamin Netanyahu chuan security force-te chu pawikhawihtu an kah hlum ve nghal avangin a fak a, public security minister Itamar Ben-Gvir pawhin video tichhuakin, silai hmetpuaktu ruang tilangin hei hi firfiakte chan tur a nih thu a sawi. Ben-Gvir hian tun hian Israel mi beitu Palestinian mite thi tura hremna pek theihna tur dan siam pass a nih theihna turin hma pawh a lo la nasa tawh hle a ni.

Pathianni khan Israel sipaiten Gaza chhim lama Khan Younis-a beihpui an thlaknaah police point an kap fuh tel a, mi pakki an thi niin Palestinian Red Crescent chuan a sawi ve bawk. Hliam tuar mi 10 an awm niin a tarlang. Hemi chungchangah hian Israel lam chuan sawi an la nei ve lo thung.