China President-in NKorea a thleng

China president Xi Jinping chuan nimin khan North Korea a thleng a, kum 2019 hnua a tlawh lehna hmasa ber a ni Kim hi a nupui Peng Liyuan-in a ṭawiawm a ni.

North Korea ram hotu, Kim Jong-un leh a nupui Ri sol-ju te chuan China President hi lo dawngsawngin, an ramah an lo lawm thu an hrilh.

President Xi hian NKorea a tlawh hma hian Beijing-ah US president Donald Trump leh Russia president Vladimir Putin te chu a hran ve vea mikhualin, inbiakna a lo neihpui tawh bawk. Trump nen hian NKorea chungchang pawh an sawi dun a ni. Xi hi ram dangah a zin chhuak nasa tawh lo a, ram dang hruaitute hian an pan zawk a, hetih laia North Korea rama a zin chhuak hi thil chhinchhiah tlak tak nia sawi a ni.

Xi leh Kim te hian NKorea nuclear programme bakah US nen an inlaichinna leh, Korea ram pahnihte inkar chungchang an sawi dun rin a ni. Ram pahnihte inkara inlaichinna ṭha zawk siam dan tur an ngaihtuah ang. NKorea pana a chhuah hma hian Xi chuan China leh NKorea chuan hriatreng tlak turin bul an ṭan thar leh mek tih pawh a lo sawi tawh bawk.