Belfast-ah dan loa pem lutte duh lohna lantir

Northern Ireland-a Sudan aṭanga raltlan pakhatin mi pakhat chema a vih avangin Thawhlehni khan an ram khawpui, Belfast-ah dan loa an rama pem lutte duh lohna lantir a ni a, nawrh huaihawtte hian building leh motor-te an hal bakah kawngpui an dang bawk.

Belfast khawpui hmun hrang hrangah lungawi lohna hi lantir a ni a, petrol bomb-te an hman avangin kangmeite a chhuak bawk a ni. First minister Michelle O'Neill chuan mipui chu inbengdai tura ngenin, pawikhawihna thlen zawnga lungawi lohna lantir chu a dem thu a sawi. Chi inthliarna leh tharum thawhna chu englai pawhin thil dik lo a ni tih sawiin, an chet dan chu insawithiam theih a ni lo, a ti. Hetiang thil hi a thlen nawn an duh tawh lo tih a sawi.

Sudan raltlan, mi vittu hi a hming puanzar a ni lo a, Thawhlehni khan tualthah tuma puhna thubuai siamsak niin nimin khan court-ah hruai a ni. Interior Ministry chuan kum 2028 thleng an rama awm phalna pek a ni tih a tarlang. Police hotu, Jon Boutcher chuan kum 2023-ah UK aṭanga an rama lut a nih thu a sawi ve bawk.